સનરાઇઝર્સ હૈદરાબાદે IPLના ઇતિહાસમાં બીજો સૌથી મોટો રન ચેઝ કર્યો. શનિવારે રમાયેલી બીજી મેચમાં, ટીમે પંજાબ કિંગ્સ સામે 246 રનનો ટાર્ગેટ ફક્ત 18 ઓવરમાં જ હાંસલ કરી લીધો. ટીમના ઓપનર અભિષેક શર્માએ પોતાની પહેલી સદી ફટકારી, તેણે 141 રનની ઇનિંગ રમી. હૈદરાબાદ તરફથી ટ્રેવિસ હેડે પણ 67 રન બનાવ્યા, તેણે અભિષેક સાથે 171 રનની ભાગીદારી કરી. હર્ષલ પટેલે 4 વિકેટ લીધી. પંજાબ કિંગ્સ તરફથી કેપ્ટન શ્રેયસ અય્યરે 82 રન બનાવીને ટીમનો સ્કોર 245 રન સુધી પહોંચાડ્યો. પંજાબે રાજીવ ગાંધી સ્ટેડિયમમાં બેટિંગ કરવાનું પસંદ કર્યું હતું. SRHએ IPLના ઇતિહાસમાં બીજો સૌથી મોટો રન ચેઝ કર્યો. આ પહેલા 2024માં પંજાબ કિંગ્સે કોલકાતા નાઈટ રાઈડર્સ સામે 262 રનનો પીછો કર્યો હતો. નવાઈની વાત એ છે કે શ્રેયસ અય્યર પણ તે સમયે કોલકાતાનો કેપ્ટન હતો. એનો અર્થ એ થયો કે IPLના ઇતિહાસમાં બે સૌથી સફળ રન ચેઝ શ્રેયસની કેપ્ટનશીપવાળી ટીમો સામે થયા. 5 પોઈન્ટ્સમાં મેચ એનાલિસિસ… 1. પ્લેયર ઓફ ધ મેચ 246 રનના ટાર્ગેટનો પીછો કરતી વખતે અભિષેક શર્માએ SRHને ઝડપી શરૂઆત અપાવી. પાવરપ્લેમાં યશ ઠાકુર સામે નો બોલ પર તે કેચ થયો હતો. અહીંથી તેણે મોટા શોટ રમ્યા અને પંજાબ કિંગ્સને બેકફૂટ પર મૂકી દીધું. અભિષેકે 40 બોલમાં પોતાના IPL કરિયરની પહેલી સદી ફટકારી. તે 141 રન બનાવીને આઉટ થયો હતો. 2. જીતના હીરો 3. ફાઇટર ઓફ ધ મેચ પંજાબ કિંગ્સ તરફથી એકમાત્ર કેપ્ટન શ્રેયસ અય્યર જ ફાઈટ બતાવતો જોવા મળ્યો. તેણે 36 બોલમાં 82 રનની ઇનિંગ રમી અને ટીમને 245 રનના મોટા સ્કોર સુધી પહોંચાડી. જોકે, તેને બોલરો તરફથી ટેકો મળ્યો ન હતો અને ટીમ 19મી ઓવરમાં જ હારી ગઈ હતી. 4. ટર્નિંગ પોઈન્ટ 246 રનના ટાર્ગેટનો સામનો કરી રહેલા હૈદરાબાદના ઓપનર અભિષેક અને હેડે ખૂબ જ ઝડપી બેટિંગ કરી. બંનેએ 11મી ઓવરમાં જ ટીમનો સ્કોર 150 રન સુધી પહોંચાડ્યો. હેડની વિકેટ પછી, તેની 171 રનની ભાગીદારી તૂટી ગઈ. જોકે, બંનેએ પંજાબના હાથમાંથી મેચ સંપૂર્ણપણે છીનવી લીધી હતી. 5. ઓરેન્જ કેપ પૂરન પાસે શનિવારે લખનઉના નિકોલસ પૂરને અડધી સદી ફટકારીને પોતાની ટીમને વિજય અપાવ્યો. તેની પાસે ઓરેન્જ કેપ છે. ચેન્નઈના નૂર અહેમદના નામે સૌથી વધુ વિકેટ છે. દિલ્હી કેપિટલ્સ હજુ પણ પોઈન્ટ ટેબલમાં ટોચ પર છે.
