IPL-18ની પહેલી સુપર ઓવરમાં દિલ્હી કેપિટલ્સે રાજસ્થાન રોયલ્સને હરાવ્યું. પ્રથમ બેટિંગ કરતા રાજસ્થાને 11 રન બનાવ્યા. દિલ્હી તરફથી કેએલ રાહુલ અને ટ્રિસ્ટન સ્ટબ્સે સંદીપ શર્મા સામે 4 બોલમાં 13 રન બનાવીને ટાર્ગેટ હાંસલ કર્યું. આ પહેલા દિલ્હીએ અરુણ જેટલી સ્ટેડિયમમાં 5 વિકેટ ગુમાવીને 188 રન બનાવ્યા હતા. જવાબમાં રાજસ્થાનની ટીમ 4 વિકેટ ગુમાવીને માત્ર 188 રન જ બનાવી શકી. નીતિશ રાણા અને યશસ્વી જયસ્વાલે ફિફ્ટી ફટકારી હતી. બુધવારે રસપ્રદ ક્ષણો જોવા મળી. નીતિશ રાણાનો કેચ ટ્રિસ્ટન સ્ટબ્સથી છૂટી ગયો. કરુણ નાયર સંદીપ શર્માના થ્રોથી આઉટ થયો હતો. ઇજાગ્રસ્ત થયા બાદ સંજુ સેમસન રિટાયર્ડ હર્ટ થયો. મોહિત શર્માએ બાઉન્ડ્રી પર જયસ્વાલનો કેચ છોડી દીધો. આશુતોષે સેમસનને જીવનદાન આપ્યું. વાંચો DC vs RR મેચની ટોપ મોમેન્ટ્સ… 1. નાયરને સંદીપે રન આઉટ કર્યો સંદીપ શર્માએ ત્રીજી ઓવરમાં કરુણ નાયરને રન આઉટ કરીને રાજસ્થાનને બીજી વિકેટ અપાવી. ઓવરના પહેલા બોલ પર સંદીપે રાઉન્ડ ધ વિકેટ લીધી અને ઓફ સ્ટમ્પ તરફ લેન્થ બોલ ફેંક્યો જેને પોરેલે પુલ કરવાનો પ્રયાસ કર્યો, પરંતુ ઈનસાઇડ એજ લાગીને બોલ તેની જાંઘ પર વાગ્યો અને પોઈન્ટ તરફ ગયો. કરુણે પહેલા રન માટે દોટ લગાવી પણ સ્ટ્રાઈક એન્ડ પર પોરેલે ના પાડી. કરુણ નાયર અડધા ક્રીઝ સુધી પહોંચી ગયો હતો. સંદીપે બોલ પકડીને નોન-સ્ટ્રાઈકર એન્ડ પર ફેંક્યો. અહીં નાયર શૂન્યના સ્કોર પર આઉટ થયો હતો. તેણે ગઈ મેચમાં 89 રન બનાવ્યા હતા. 2. પોરેલના બેટની ધાર લાગી, રાજસ્થાને અપીલ ન કરી અભિષેક પોરેલને 49 રન પર આઉટ કરવામાં આવ્યો. 13મી ઓવરના છેલ્લા બોલ પર, આર્ચરે એક શોર્ટ બોલ ફેંક્યો જે ઓફ સ્ટમ્પ તરફ બહાર જઈ રહ્યો હતો. પોરેલ પાછળ હટી ગયો અને રેમ્પ શોટ રમવાનો પ્રયાસ કર્યો, પરંતુ બોલ તેના બેટને અડીને પસાર થયો. રિપ્લેમાં સ્પષ્ટ દેખાતું હતું કે બેટની થોડી એજ હતી, પરંતુ રાજસ્થાન રોયલ્સે અપીલ કરી નહીં. જોકે, બીજી જ ઓવરમાં, હસરંગાએ તેને રિયાન પરાગના હાથે કેચ અપાવ્યો. 3. પરાગ સ્ટબ્સનો કેચ ચૂકી ગયો 16મી ઓવરના છેલ્લા બોલ પર રિયાન પરાગ ટ્રિસ્ટન સ્ટબ્સનો કેચ ચૂકી ગયો. હસરંગાએ ફુલ લેન્થ બોલ ફેંક્યો, સ્ટબ્સ લોંગ-ઓન તરફ ઊંચો શોટ રમ્યો. રિયાન પરાગ જમણી બાજુ દોડ્યો, ડાઇવ લગાવી અને બંને હાથે બોલ પકડવાનો પ્રયાસ કર્યો, પરંતુ બોલ તેના હાથે વાગ્યા પછી છૂટી ગયો. 4. થિક્સાનાએ છેલ્લા બોલ કેચ છોડ્યો મહિશ થિક્સાનાએ ટ્રિસ્ટન સ્ટબ્સને બીજું જીવનદાન આપ્યું. સ્ટબ્સે એક સ્લો, શોર્ટ અને વાઇડ બોલ પર પુલ કરવાનો પ્રયાસ કર્યો, પરંતુ ટોપ એજ લાગીને બોલ હવામાં ગયો. આ થિક્સાના માટે સૌથી સરળ કેચમાંથી એક હતો, બોલ ઠીક તેની નીચે આવ્યો પણ તે તેને પકડી શક્યો નહીં. 5. આશુતોષથી સેમસનનો કેચ છૂટ્યો પાંચમી ઓવરના પાંચમા બોલ પર સંજુ સેમસનને જીવનદાન મળ્યું. મોહિત શર્મા શોર્ટ ઓફ લેન્થ બોલ ફેંકે છે. અહીં ફિલ્ડર આશુતોષે કેચ છોડી દીધો. સેમસને બોલને બાઉન્ડ્રીની ઉપર જોરથી ફટકારવાનો પ્રયાસ કર્યો અને બોલ ખૂબ જ ઉંચો ગયો. ફિલ્ડર કેચ કરવા માટે તેની નીચે આવી તો ગયો, પણ તેણે એક ક્ષણ માટે પણ સ્થિર ન જોયું. આશુતોષ અહીં બોલને સ્પર્શી પણ ન શક્યો. 6. સેમસન રિટાયર્ડ હર્ટ થયો પાંચમી ઓવરના ત્રીજા બોલ પર શોટ રમવાનો પ્રયાસ કરતી વખતે સંજુ સેમસન ઘાયલ થઈ ગયો. સેમસને વિપરાજ નિગમના બોલ પર કટ કરવાનો પ્રયાસ કરે છે પણ ચૂકી જાય છે. અહીં તેને સાઈડ સ્ટ્રેન શરીરના ડાબા ભાગમાં દુખાવો થયો. રાજસ્થાનના ફિઝિયો મેદાનમાં આવ્યા અને તેની તપાસ કરી. સેમસન સ્વસ્થ થયો અને ફરીથી રમવા માટે તૈયાર થયો. ઓવરના ચોથા બોલ પર તેણે સામેની તરફ શોટ રમ્યો, પરંતુ દર્દ થતા પેવેલિયન તરફ પાછો ચાલ્યો ગયો. 31 રન બનાવ્યા બાદ સંજુ રિટાયર્ડ હર્ટ થયો. 7. મોહિતે બાઉન્ડ્રી પર કેચ છોડ્યો 11મી ઓવરના ત્રીજા બોલ પર મોહિત શર્માએ બાઉન્ડ્રી પર શાનદાર ફિલ્ડિંગ કરી, પરંતુ કેચ ચૂકી ગયો. કુલદીપના શોર્ટ અને લેગ સ્ટમ્પ બોલને યશસ્વી જયસ્વાલે પુલ કર્યો. બોલ ડીપ બેકવર્ડ સ્ક્વેર લેગ તરફ જાય છે. અહીં મોહિત શર્માએ જોરદાર ફિલ્ડિંગ કરી. તે પાછળ દોડ્યો, કૂદી પડ્યો અને જમણા હાથથી બોલને હવામાં રોક્યો, જેનાથી 5 રન બચી ગયા. પણ તે કેચ ચૂકી ગયો. આ સમયે જયસ્વાલ 46 રન પર હતો. 8. સ્ટબ્સથી નીતિશ રાણાનો કેચ છૂટ્યો 15મી ઓવરના પહેલા બોલ પર ટ્રિસ્ટન સ્ટબ્સ નીતિશ રાણાનો કેચ ચૂકી ગયો. અક્ષરે ઓફ સ્ટમ્પની બહાર એક લેન્થ બોલ ફેંક્યો. રાણા બેકફૂટ પર જાય છે અને ફ્લેટ પુલ કરે છે. બોલ સીધો લોંગ-ઓન પર ગયો, જ્યાં સ્ટબ્સ હાજર હતો. તેણે બાઉન્ડ્રી નજીક ડાઇવ મારી, પરંતુ બોલ તેની આંગળીઓને સ્પર્શીને બાઉન્ડ્રી પાર ગયો. અહીં કેપ્ટન અક્ષર પટેલ ગુસ્સે દેખાતો હતો કારણ કે આ કેચ લઈ શકાયો હોત. 9. જુરેલે DRS લઈને પોતાને આઉટ થતા બચાવ્યો 16મી ઓવરના પાંચમા બોલ પર ધ્રુવ જુરેલ DRS લઈને આઉટ થવાથી બચી ગયો. કુલદીપ યાદવે એક ગુગલી બોલ ફેંક્યો જે ઓફ સ્ટમ્પ પાસે ઉછળીને અંદરની તરફ ગયો. અહીં, જુરેલે સ્વીપ શોટ રમવાનો પ્રયાસ કર્યો, પરંતુ તે ચૂકી ગયો અને બોલ તેના પાછળના પગમાં વાગ્યો. અલ્ટ્રાએજ દર્શાવે છે કે બેટ સાથે કોઈ સંપર્ક થયો નથી, પરંતુ બોલ-ટ્રેકિંગ સ્પષ્ટપણે દર્શાવે છે કે બોલ ઓફ-સ્ટમ્પની બહાર જઈ રહ્યો હતો. આખરે અમ્પાયરે નિર્ણય બદલી નાખ્યો અને જુરેલને નોટઆઉટ જાહેર કર્યો. ફેક્ટ્સ
