રાજીવ ગાંધી સ્ટેડિયમમાં આજે SRH vs MI:રોહિત-સૂર્યા પર સૌની નજર; પ્લેઓફમાં ટકી રહેવા માટે હૈદરાબાદને જીતની જરૂર

IPL-2025ની 41મી મેચ સનરાઇઝર્સ હૈદરાબાદ (SRH) અને મુંબઈ ઇન્ડિયન્સ (MI) વચ્ચે રમાશે. આ મેચ હૈદરાબાદના રાજીવ ગાંધી ઈન્ટરનેશનલ ક્રિકેટ સ્ટેડિયમ ખાતે સાંજે 7:30 વાગ્યે શરૂ થશે. બંને ટીમો સિઝનમાં બીજી વખત એકબીજાનો સામનો કરશે. MIએ આ સિઝનમાં 8 મેચ રમી છે, જેમાં તેણે 4 જીતી છે અને એટલી જ મેચ હારી છે. બીજી તરફ SRHએ 7 મેચ રમી છે જેમાં તેણે ફક્ત 2 મેચ જીતી છે અને 5 હારનો સામનો કરવો પડ્યો છે. મુંબઈ પોઈન્ટ્સ ટેબલમાં છઠ્ઠા સ્થાને છે અને હૈદરાબાદ નવમા સ્થાને છે. પ્લેઓફની દૃષ્ટિએ હૈદરાબાદ માટે આ એક મહત્વપૂર્ણ મેચ છે. મેચ ડિટેલ્સ
મેચ: SRH Vs MI, 41મી મેચ
સ્ટેડિયમ: રાજીવ ગાંધી સ્ટેડિયમ, હૈદરાબાદ
સમય: ટોસ- સાંજે 7:00 વાગ્યે, મેચ શરૂ: સાંજે 7:30 વાગ્યે મુંબઈનો હાથ ઉપર IPLમાં મુંબઈ અને હૈદરાબાદ 24 મેચોમાં આમને-સામને થયા છે, જેમાંથી 14 મેચ MIએ જીતી છે. જ્યારે SRHએ 10 મેચ જીતી છે. હેડ ટુ હેડમાં મુંબઈ હૈદરાબાદથી આગળ છે. આ સિઝનમાં બંને ટીમો વચ્ચે પહેલો મુકાબલો 17 એપ્રિલના રોજ થયો હતો. આમાં MIએ SRHને 4 વિકેટથી હરાવ્યું હતું. તે મેચમાં કેપ્ટન પેટ કમિન્સે સારી બોલિંગ કરી, 3 વિકેટ લીધી, પરંતુ જીત ન અપાવી શક્યો. હૈદરાબાદનો ટોચનો બેટ્સમેન હેડ સનરાઇઝર્સ હૈદરાબાદ માટે બંને ઓપનર ટ્રેવિસ હેડ અને અભિષેક શર્માએ શાનદાર પ્રદર્શન કર્યું છે. હેડ અત્યાર સુધી ટીમનો ટોપ સ્કોરર છે, તેણે 7 મેચમાં 262 રન બનાવ્યા છે. આ સમયગાળા દરમિયાન તેનો સ્ટ્રાઈક રેટ 168 હતો. હેડે MI સામે 5 ઇનિંગ્સમાં 37.40ની સરેરાશ અને 153.27ના સ્ટ્રાઈક રેટથી 187 રન બનાવ્યા છે. અભિષેક શર્માએ 7 મેચમાં 242 રન બનાવ્યા છે. બેટ્સમેન ઇશાન કિશનનું ફોર્મ ટીમ માટે ચિંતાનો વિષય છે. પહેલી મેચમાં ફટકારેલી સદી ઉપરાંત, કિશન છેલ્લી 6 ઇનિંગ્સમાં કુલ 32 રન બનાવી ચૂક્યો છે. બોલરોમાં હર્ષલ પટેલ હૈદરાબાદ માટે સૌથી વધુ વિકેટ લેનાર બોલર છે. ડેથ ઓવર સ્પેશિયાલિસ્ટ હર્ષલે 6 મેચ રમી છે અને 9 વિકેટ લીધી છે. ટીમમાં કેપ્ટન પેટ કમિન્સ, મોહમ્મદ શમી, ઝીશાન અંસારી જેવા મહાન બોલરો પણ છે. સૂર્યા-રોહિત શાનદાર ફોર્મમાં મુંબઈ ઈન્ડિયન્સ માટે સૂર્યકુમાર યાદવ અને રોહિત શર્મા શાનદાર ફોર્મમાં છે. આ સિઝનમાં મુંબઈ માટે સૂર્યાએ સૌથી વધુ 333 રન બનાવ્યા છે. આ સમયગાળા દરમિયાન તેનો સ્ટ્રાઈક રેટ 162.43 હતો. તે જ સમયે ઓપનર રોહિત શર્માએ છેલ્લી મેચમાં ચેન્નઈ સામે અણનમ 76 રન બનાવીને મેચ જીતી હતી. ટીમે આ મેચ એકતરફી 9 વિકેટથી જીતી હતી. જસપ્રીત બુમરાહ, ટ્રેન્ટ બોલ્ટ અને દીપક ચહર જેવા બોલરોની હાજરી છતાં કેપ્ટન હાર્દિક પંડ્યા મુંબઈ માટે સૌથી વધુ વિકેટ લેનાર બોલર રહ્યો છે. પંડ્યાએ અત્યાર સુધી 7 મેચમાં 11 વિકેટ લીધી છે. MI પાસે સ્પિનર ​​તરીકે મિચેલ સેન્ટનર અને વિગ્નેશ પુથુર છે. પિચ રિપોર્ટ
હૈદરાબાદના રાજીવ ગાંધી ઈન્ટરનેશનલ સ્ટેડિયમની પિચ બેટ્સમેન માટે ફાયદાકારક રહી છે. અહીં ઝડપી બોલરોને પણ બાઉન્સ મળ્યો છે. સ્ટેડિયમમાં અત્યાર સુધીમાં કુલ 82 IPL મેચ રમાઈ છે, જેમાંથી પહેલા બેટિંગ કરતી ટીમે 35 મેચ જીતી છે જ્યારે રનનો પીછો કરતી ટીમે 46 મેચ જીતી છે. જ્યારે એક મેચ અનિર્ણિત રહી હતી. આવી સ્થિતિમાં, ટોસ જીતનાર ટીમ પહેલા ફિલ્ડિંગ કરી શકે છે. વેધર કન્ડિશન
23 એપ્રિલે હૈદરાબાદમાં હવામાન સ્વચ્છ રહેશે અને મેચ દરમિયાન વરસાદની કોઈ શક્યતા નથી. પવનની ગતિ લગભગ 9-16 કિમી પ્રતિ કલાકની હોઈ શકે છે. આ ઉપરાંત અહીં તાપમાન 25-37 ડિગ્રી સેલ્સિયસની આસપાસ રહેશે. બંને ટીમોની સંભવિત પ્લેઇંગ-12
સનરાઈઝર્સ હૈદરાબાદ: પેટ કમિન્સ (કેપ્ટન), અભિષેક શર્મા, ટ્રેવિસ હેડ, ઈશાન કિશન, નીતિશ કુમાર રેડ્ડી, હેનરિક ક્લાસેન (વિકેટકીપર), અનિકેત વર્મા, અભિનવ મનોહર, મોહમ્મદ શમી, હર્ષલ પટેલ, ઈશાન મલિંગા અને જીશાન અંસારી. મુંબઈ ઇન્ડિયન્સની સંભવિત પ્લેઇંગ 11: હાર્દિક પંડ્યા (કેપ્ટન), રાયન રિકેલ્ટન (વિકેટકીપર), રોહિત શર્મા, સૂર્યકુમાર યાદવ, તિલક વર્મા, મિચેલ સેન્ટનર, વિલ જેક્સ, ટ્રેન્ટ બોલ્ટ, નમન ધીર, દીપક ચહર, જસપ્રીત બુમરાહ અને અશ્વિની કુમાર.